Irakurriena
- 1. MONDRAGONek bere urteroko Kongresua egin du Bilbon
- 2. “Abentura zirraragarria izan da”
- 3. Hirekin industria jasangarriko zentro berritzailea inauguratu du Mondragon Unibertsitateak
- 4. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 5. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 6. “Definitu dugu zer ekarpen egin nahi diogun gizarte honi gure ikasleen bitartez”
- 7. Imanol Oleaga Mendiaratz, Domusa Teknikeko zuzendari nagusi berria
- 8. Orkli Biotz enpresan sartu da % 11,11ko parte-hartzearekin
- 9. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 10. Dikarrek bere ekoizpen planta modernoa inauguratu du Arrasaten, etapa berri bati ekiteko
Bilbo, Gasteiz, Donostia, Iruña eta Mauleko alkate euskaldunak batuko ditu HUHEZIk
Lehen aldiz historian, hegoaldeko lau hiriburuetako alkateak (Juan Mari Aburto, Bilbo; Gorka Urtaran, Gasteiz; Eneko Goia, Donostia; eta Joseba Asirón, Iruñea) eta Zuberoako alkate bat (Michel Etchebest, Maule) euskaldunak dira. Hego Euskal Herriko lau hiriburuetako eta Mauleko alkateek euskaraz jakitea eta euren eguneroko jardueretan erabiltzea historikoa da, eta hori aprobetxatu nahi izan du Mondragon Unibertsitateak jardunaldi batean bost alkate horiek biltzeko, euskararekin zer harreman duten eta norberaren udalerrian euskararen inguruan zer erronka dauden azter dezaten.
Euskararekin zer harreman duten eta norberaren udalerrian euskararen inguruan zer erronka dauden aztertuko dute
Jardunaldiaren izenburua hau da: “Alcaldes euskaldunes en las capitales. Relación con el euskera y retos de futuro. Euskal Herriko hiriburuetako alkateak. Euskararekiko harremana eta etorkizuneko erronkak”. Unibertsitate-kolektiboarentzat zein publiko orokorrarentzat da. Gainera, hedabideentzat irekita egongo da, eta streaming bidez ikusteko egongo da (http://mukom.mondragon.edu/mutb/zuzenekoak/). Jardunaldia martxoaren 10ean, osteguna, egingo da, 17:00etan, Mondragon Unibertsitateko Humanitate eta Hezkuntza Zientzien Fakultatean (Eskoriatzako campusean). Fakultateko Euskara Batzordeak urtero antolatzen duen kultura-egitarauaren barruan dago, eta euskararen aldeko jardueretako bat da. Sortu zenetik, Mondragon Unibertsitateak euskara gizartearen esparru guztietan eta erakundeetan garatzen laguntzeko eta sustatzeko konpromisoa izan du.
Jardunaldian parte hartu nahi dutenek izena emateko, mezu bat bidal dezakete harrera.huhezi@mondragon.edu helbidera, edo 943 71 41 57 telefono-zenbakira deitu.Jardunaldiaren lehen zatian, parte-hartzaileen udalerrietan euskararen arloan dauden erronketan jarriko da arreta, eta bigarrenean, alkate bakoitzak euskararekin zer harreman duen –alegia, euskararekiko zer ibilbide pertsonal duen– azalduko du.