Irakurriena
- 1. MONDRAGONek bere urteroko Kongresua egin du Bilbon
- 2. “Abentura zirraragarria izan da”
- 3. Hirekin industria jasangarriko zentro berritzailea inauguratu du Mondragon Unibertsitateak
- 4. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 5. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 6. “Definitu dugu zer ekarpen egin nahi diogun gizarte honi gure ikasleen bitartez”
- 7. Imanol Oleaga Mendiaratz, Domusa Teknikeko zuzendari nagusi berria
- 8. Orkli Biotz enpresan sartu da % 11,11ko parte-hartzearekin
- 9. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 10. Dikarrek bere ekoizpen planta modernoa inauguratu du Arrasaten, etapa berri bati ekiteko
Bigarren Kooperatibagintza Topaketan Ignacio Ramonet protagonista
![Card image cap](https://www.tulankide.com/eu/bigarren-kooperatibagintza-topaketan-ignacio-ramonet-protagonista/@@images/5ddd6b8d-4870-4e20-b173-404ac2e0e93d.jpeg)
LANKIko koordinatzaile eta kooperatibagintza arloko arduradun Ainara Udaondok eman zion hasiera lan-jardunaldiari. Ondoren LANKI ikertegiko Igor Ortegak hartu zuen hitza. Ortegak "Arrasateko kooperatibagintzaren bidegurutzeak eta desafioak. Protagonistekin gogoeta sintesia" lanaren emaitza batzuk aurreratu zizkien bertaratutakoei. Egungo egoera konplexua eta etorkizuna izan zituen hizpide LANKIko kideak eta hainbat hausnarketa konpartitu zituen kooperatibetako ordezkariekin.
Taldekako dinamikan askotariko gaiak jorratu zituzten, besteak beste, elkartasuna eta interkooperazioa, artikulazio kooperatiboa, lidergoa eta kultura kooperatiboa izan zituzten aintzat. Mahai ezberdinetan dinamika dotorea sortu zen eta taldeek ekarpen ugari egin zituzten.
Ordezkaritza dotorea izan zen Kooperatibagintza Topaketaren bigarren edizioan: Fagor Ederlan, DanobatGroup, Mondragon Unibertsitatea, Fagor Taldea, Arizmendi Ikastola, Mundukide, Ausolan, Goiti, Fagor Automation, Ulma Eraikuntzak, Fagor Industrial, Arizmendiarrietaren Lagunak Elkartea, LKS, Eroski, Ikerlan, Fagor Arrasate eta Fagor Elektronikako ordezkariak izan ziren ekitaldian, guztira ia 60 lagun.
Ignacio Ramonet, arratsaldean
Arratsaldean, Le monde diplomatique aldizkari ospetsuko Espainiako bertsioko zuzendari Ignacio Ramonetek hitzaldia eskaini zuen. 'Gizarte aldaketak eta kooperatibagintza' izenburupean, Ramonet kazetari eta gizarte pentsalariak, gaur egungo egoeraren gaineko bere ikuspegia eskaini zuen. Era berean, kooperatibagintzaren argi ilunak ere aztertu zituzten.
Argazki guztiak: https://www.flickr.com/photos/60157444@N05