Irakurriena
- 1. “Abentura zirraragarria izan da”
- 2. Hirekin industria jasangarriko zentro berritzailea inauguratu du Mondragon Unibertsitateak
- 3. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 4. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 5. “Definitu dugu zer ekarpen egin nahi diogun gizarte honi gure ikasleen bitartez”
- 6. Imanol Oleaga Mendiaratz, Domusa Teknikeko zuzendari nagusi berria
- 7. Orkli Biotz enpresan sartu da % 11,11ko parte-hartzearekin
- 8. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 9. Dikarrek bere ekoizpen planta modernoa inauguratu du Arrasaten, etapa berri bati ekiteko
- 10. MONDRAGONen Komunikazio Foroaren edizio berria egin dute
Berrikuntza eta iraunkortasuna bat eginik Fagor Ederlanen
![Card image cap](https://www.tulankide.com/eu/berrikuntza-eta-iraunkortasuna-bat-eginda-fagor-ederlanen/@@images/61ffe2ea-e017-424c-937a-491952c00e2a.jpeg)
Orotara, 7,5 milioi euroko inbertsioa du aurreikusirik -berrikuntzari eta iraunkortasunari loturiko hamabi plan ditu aurkezturik-.
Hainbaten artean, haren lan lekuen ingurumen inpaktuari begirako ekintzak ditu martxan jarriak Fagor Ederlanek. Eta ISO 14001 eta ISO 50001 ziurtagiriak eskuratzeko jardun du lanean azken urteotan. Horretan geratu barik, sei proiektu ditu aurkezturik Eusko Jaurlaritzak ingurumenaren babeserako dituen laguntzetara -guztira, 5,3 milioi eurokoa da horien inbertsioa-, eta 0,7 milioi euroko laguntza du jasoa -inbertsio osoaren %13-.
Plan horien bidez, ingurumen inpaktua murrizteko ekinbideak abiaraziko ditu Fagor Ederlanek Bergarako (gasen trataerarako sistema aluminiozko labean eta tratamendu termikoan), Arrasateko Uribarri auzoko (emisio bilketarako linea fundizio plantan), Eskoriatzako (amina eta karbono organiko partikulentzako iragazkiak burdin fundizioan eta taladrinak iragazteko sistema zentralizatua) eta Usurbilgo (amina eta karbono organiko partikulentzako iragazkiak burdin fundizioan) lantegietan.
Ostera, materialei balioa emateko eta haiek berrerabiltzeko planekin dabil Fagor Ederlan. Besteak beste, Hazitek 2022ko partaide da, eta Burdint, Sopol, Paeram, Hicore, Deskar30 eta Semfem planetan dabil parte hartzen, orotara, 2,3 milioi euroko inbertsioarekin. Horrekin, hondar-beroaren aprobetxamendua handitzeko, eraikuntza materialetan hondakinen balorizazioan eragiteko edo ingurumen inpaktu murritzeko osagai urtuak ekoizteko bitartekoak bilatzen dira.
Aztarna murrizteko lanean
2020an eta 2021ean karbono aztarna neurtu ostean, hura murrizteko ekinbideekin dabil Fagor Ederlan. Besteren artean, buru-belarri dabil energia berriztagarrien erosketa prozesuetan; aluminio-aleazioak erabiltzeko ekintzetan -bigarren mailako aluminioak berrerabiltzean eta bizi zikloa hobetzean oinarritzen da-; iraunkortasunari loturikoak hornitzaileetara zabaltzeko zereginean; eta online bilerak areagotzeko ahaleginean -tartean, lekualdatzeak eta emisioak murriztea dakartza horrek-.