Athletic Clubek Lezaman dituen kirol instalazioen zaharberritze obrak zuzendu ditu KREANek

Eraikin nagusiak aurretik zuen egitura eta geometria mantendu ditu eta 4.210 metro koadroko beheko solairua eta lehenengo solairua ditu. Hala, beheko solairuan harrobiko taldeek aldagelak eta entrenatzaile zein zuzendaritza teknikoaren aldagelak daude. Horrez gain, fisioterapeutentzako guneak, medikoantzat espazioak, hidromasajeetarako gunea, berreskuratzeko igerilekua eta ur hotzeko putzua ere baditu.

Fisioterapia-gunearekin lotuta, gimnasio zabal bat proiektatu da. Aretoak egungo kiroldegirantz zabaltzen da, eta muskulazio-eremuak, pisu librekoak, birgaitze- eta berregokitze-guneak eta, azkenik, ebaluazio- eta errendimendu-gune bat sortzen ditu. Kanpoko lan-eremu bat ere badago 1. eremuaren eta eraikinaren artean, eta, horrela, kiroldegitik zuzenean atera daiteke kanporantz, lehio handien bidez, multzoaren funtzionamenduan argitasuna eta aldakortasun handia emanez.

Beheko solairu horretan, gainera, jangela dago, Athletic Clubeko taldeentzako eta langileentzako bi jangela dituena, barne formazioentzako show-cooking gune bat, eta, azkenik, kafetegi bat, pribatua zein kanpokoa, terraza eta futbol-zelaira begira.

Lehenengo solairuan administrazio-eremua dago, eta coworking espazio bat sortu dute; bulegoak, zelaietara begira dauden bilera-gelak, funtzionamendurako laguntza-guneak, partidak grabatzeko gunea eta ordenagailu-gela. Solairu horren erdian, administrazio-postuak, itxarongela bat eta kafea hartzeko gune bat daude. Gainera, UCOrako (Unitate Zentral Operatiboa) eta esatariarentzat guneak daude. 

2021eko irailean inauguratua

Lehen solairu horren hegoaldeko muturrean aisialdirako erabilera esklusiboak daude. Jolas-areto bat eta erlaxatzeko eta telebistarako gune bat daude egoitzako erabiltzaileentzat eta kirol-hirian ostatu hartzen ez duten gainerako kirolarientzat. Solairu horretan, halaber, ikasgelak, ikasteko gunea eta ikus-entzunezkoen gela daude, horiek prestatzeko panel mugikorrekin. 2021eko irailean inauguratu zen, eraikin nagusiaren barruan, baina sarbide independentea du. Egoitza bi solairutan banatuta dago, eta 29 logela bikoitz ditu, bainugelarekin, aisialdirako gune komunekin, estudioekin eta abarrekin.

Egoitzak 590m²-ko azalera du solairu bakoitzean, eta abangoardiako instalazioa da, harrobiaren hazkundearen, bizikidetzaren eta errendimenduaren hobekuntzaren zerbitzura jartzen dena. Gainera, 2. eta 6. futbol-zelaietara begira dauden terrazak ditu eraikinak. Instalazio honek harrobiko jokalariei horiek prestatzeko eta garatzeko erraztasun guztiak eskaintzen dizkie. ATHLETIC CLUBek toki bat sortzearen aldeko apustua egin du, non gazteen harrobia batera haziko den kirol-giro batean eta bizikidetza-harreman sendoak sortuko diren.

Instalazio horiek eta 2021eko urtarrilean inauguratutako lehen taldearen eraikin berria abian jartzea Lezamako etorkizunaren aldeko apustu sendoa da. KREANek eraikinaren eta haren urbanizazioaren obren diseinua, proiektuak eta zuzendaritza fakultatiboa egin zituen bertan.