Irakurriena
- 1. MONDRAGONek bere urteroko Kongresua egin du Bilbon
- 2. “Abentura zirraragarria izan da”
- 3. Hirekin industria jasangarriko zentro berritzailea inauguratu du Mondragon Unibertsitateak
- 4. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 5. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 6. “Definitu dugu zer ekarpen egin nahi diogun gizarte honi gure ikasleen bitartez”
- 7. Imanol Oleaga Mendiaratz, Domusa Teknikeko zuzendari nagusi berria
- 8. Orkli Biotz enpresan sartu da % 11,11ko parte-hartzearekin
- 9. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 10. Dikarrek bere ekoizpen planta modernoa inauguratu du Arrasaten, etapa berri bati ekiteko
AGORA topaketak negozio aukera berriak garatzea izango du helburu
![Card image cap](https://www.tulankide.com/eu/agora-topaketa-negozio-aukera-berriak-sortzeko-helburuarekin-antolatu-da/@@images/280c6d6f-2966-461a-b549-900f8c0cc58d.jpeg)
AGORA egun bateko iraupenarekin antolatutako ekitaldia da, eta bertan diziplina anitzeko hainbat taldek garatuko dituzte enpresek proposatutako ideiak. Ideia hauek teknologiarekin lotuta egon daitezke edota produktu edo zerbitzu berriekin. Enpresek oinarrizko espezifikazioak emango dituzte eta horietatik abiatuta taldeka aztertuko dira.
Horrela, AGORAren 1. edizioan aurkeztuko diren proiektuak enpresek aurkeztutako proposamenak izango dira, eta epe laburrera ekintzailetza proiektuen bitartez gauzatu daitezkeen negozio aukerak sortzera zuzenduta daude.
AGORA, irekita dago MONDRAGONeko enpresetako langileentzat, zehazki ekintzailetza kooperatiboarekin konprometituta daudenentzat. Horrenbestez, AGORAren 1. edizioan parte hartzeko pertsonek banaka zein diziplina anitzeko taldeetan eman dezakete izena.
AGORAren 1. edizioan parte hartzeak, pertsona horiei ahalbidetuko die:
- esperientzia eta gaitasuna hartzea, benetako ekintzailetza esperientzietan parte hartuz.
- ekintzailetzari buruz kezka eta grina berdina daukaten beste pertsona batzuk ezagutzea.
- eta, beharbada, enpresa proiektu berri bat abiarazteko prozesuan sartzea.
AGORAren 1. edizioko ekitaldiak egun bat iraungo du, eta 2014ko martxoaren 1an egingo da, Goi Eskola Politeknikoaren Garaia Campusean, Arrasateko Garaia Berrikuntzako Poloan.
AGORAren 1. edizioan parte hartzea libre eta doakoa da. Parte hartzeko interesa duten pertsonek izena eman behar dute, 943772064 telefonora deituta edo helbide elektroniko honetara mezu bat idatzita:morobengoa@iseamcc.net.