2023ko “diálogos de cocina” kongresuak egungo gastronomia goitik behera zeharkatuko du

Jonathan Swiften eleberriko Gulliverrek egin zuen moduan, hura osatzen duten uharte guztietara bidaiatuko du, begi berriekin, ikuspegiak ireki eta, era berean, aurkikuntzara zabaltzeko.

Donostia izango da berriz ere jakintzaz, eztabaidaz eta elkartrukeaz osatutako eguneko menua aurkezteko tokia, lehen mailako hizlarien eskutik, hala nola Juan Villoro kronikari mexikarra, Iberoamerikako idazle ospetsuenetako bat eta La noche navegable edo El testigo liburuen egilea; Jenny Dorsey (AEB) sukaldari eta aktibista, status quo-ari aurre egiten diona sukaldaritzaren bidez aldaketa soziala bultzatzeko, edo Dan Saladino kazetari eta ikertzaile britainiarra, The Food Programme irratsaioko aurkezlea BBCn eta Eating to Extinction liburuaren egilea.

Mahai berean, Lucía Freitas A Tafonako (Santiago de Compostela) sukaldaria eseriko da, besteak beste, Amas da terra proiektuaren atzean dagoena. Proiektu horrek eskualdeko gastronomiari eusten dioten emakumeei ahotsa ematen die. Baita María Nicolau ere (El Ferrer de Tall), Cocina o barbarie liburuarekin elikadura-ohitura txarrak apurtzea erabaki duen katalana, edota María Sánchez albaitari, poeta eta saiakera-idazlea Tierra de mujeres liburuaren idazlea.

Honako hauek ere bertan egongo dira: Eugenio Monesma etnografo eta zinema zuzendaria, 40 urte baino gehiago herri-gastronomiaren eta lanbide ahaztuen tradizioak dokumentatzen eman dituena; Jon Maya dantzari eta koreografo gipuzkoarra, Kukai Dantza konpainia sarituaren sortzailea; Brava DJ performatikoa, Sónar edo Primavera Sound Brava jaialdietan parte hartu duena, eta Claudia Polo (Soul in the Kitchen) El Comidista programako kolaboratzaile eta sukaldari gaztea, edota Andoni Luis Aduriz kongresuaren ideologoetako bat eta Mugaritzeko chefa. Datozen asteetan izen berriak iragarriko dira, baita online egingo diren beste jarduera batzuk.

Basque Culinary Centerren, besteak beste, honako gai hauei buruz hausnartuko da ozen: sormena, aniztasuna, memoria, jasangarritasuna edo belaunaldi-aldaketa.

Aurtengo ediziorako sarrerak Eventbrite plataformaren bidez eros daitezke eta diziplinarteko kongresuaren bi jardunaldietarako sarbidea emango dute. Hura amaitu ondoren (oraingoan soilik aurrez aurre egingo da), hitzaldiak eta mahai-inguruak Sukaldeko Solasaldiak Youtubeko kanalean eta webgunean egongo dira eskuragarri.

Literaturak, musikak, arkitekturak, sukaldaritzak edo historiak, beste edizio batean, geografia gastronomikora eta giza geografiara hurbiltzeko balioko dute. Kongresu desberdin bat, bederatzigarren edizioan ikaskuntzak partekatzeko eta zaharberritzean inplikatutako belaunaldi guztiak inspiratzeko bokazioa betetzen jarraituko duen pentsamendu-espazio bat.

Sukaldeko Solasaldiak

“Diálogos de Cocina” (https://dialogosdecocina.com/) nazioarteko kongresua da; 2007az geroztik, eta bi urtez behin, gastronomiaren inguruan diziplina anitzeko zubiak eraikitzen ditu. Mugaritzek, Euro-Toques Sukaldarien Europako Erakundeak eta Basque Culinary Centerrek bultzatutako behatokia da. Bertan, mundu osoko aditu ospetsuenak biltzen dira, giro disruptiboan, eta sinergia sortzaileak eraikitzeko hausnarketarako gune bat sortzen dute. 

Honako hauen babesa du: HAZI eta Eusko Jaurlaritzako Ekonomiaren Garapen, Jasangarritasun eta Ingurumen Saila; Gipuzkoako Foru Aldundiko Turismoa; Donostiako Udala eta Donostia Turismoa. Yorokobu hedabide laguntzailea da.