Irakurriena
- 1. “Abentura zirraragarria izan da”
- 2. Hirekin industria jasangarriko zentro berritzailea inauguratu du Mondragon Unibertsitateak
- 3. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 4. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 5. “Definitu dugu zer ekarpen egin nahi diogun gizarte honi gure ikasleen bitartez”
- 6. Imanol Oleaga Mendiaratz, Domusa Teknikeko zuzendari nagusi berria
- 7. Orkli Biotz enpresan sartu da % 11,11ko parte-hartzearekin
- 8. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 9. Dikarrek bere ekoizpen planta modernoa inauguratu du Arrasaten, etapa berri bati ekiteko
- 10. MONDRAGONen Komunikazio Foroaren edizio berria egin dute
Leartikerrek esneki eta haragi osasungarriak garatzen dituen Nutfood proiektuan parte hartzen du
![Card image cap](https://www.tulankide.com/eu/leartikerrek-esneki-eta-haragi-osasungarriak-garatzen-dituen-nutfood-proiektuan-parte-hartzen-du/@@images/5b7b38f4-e6ab-4863-8957-16bdff657227.png)
Leartiker Elikagaien Teknologiak Elkartek programaren baitan kokatzen den proiektu honetan, Neiker, Metabolomips eta Bioaraba bezalako zentroekin batera ari da elkarlanean.
Animalien elikaduran datza proiektu honen oinarria; horregatik, ardiak eta txerriak hainbat motatako haziak dituzten pentsuekin elikatu dira, ondorioak neurtzeko. Emaitza gisa, lortu diren ardiesnea eta txerri-haragia aztertu dira nutrizio-osaera hobetua duen lehengai batek zer elikadura-mota ematen duen ebaluatzeko, eta, ondorioz, kontsumitzaileen osasunean onurak eragin ditzakeen aztertzeko.
2022ko abenduaren 31n amaituko den proiektu honek aurrera darrai, eta Leartikerrek esnekiak eta haragi-eratorrien elaborazioan aritu da lanean, hala nola jogurtak, gazta onduak, hanburgesak eta txorizo onduak egiten. Lehengaia freskoan txertatzen duten deribatuak dira, eta, gainera, gazta eta hestebete onduen kasuan ondu- heltze prozesu bat ere jasan dute.
Batzuetan, kontsumitzaileak animalia-jatorriko elikagaiak baztertzen ditu, osasungarriak ez diren gantz aseekin erlazionatzen dituztela.
Proiektu honen bidez haragiaren eta esnearen gantz-azidoen profi la nola hobetu aztertu nahi da, zehazki, animalien elikaduran arreta jarriz. Horrela, nutrizio-propietate osasungarriagoak dituzten esneki- eta haragi-deribatuak lortu nahi dira, bere osasunagatik kezkatzen den kontsumitzaile horrek, elikagai hauek erosketasaskian sar ditzan.