Irakurriena
- 1. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 2. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 3. “Definitu dugu zer ekarpen egin nahi diogun gizarte honi gure ikasleen bitartez”
- 4. Imanol Oleaga Mendiaratz, Domusa Teknikeko zuzendari nagusi berria
- 5. Orkli Biotz enpresan sartu da % 11,11ko parte-hartzearekin
- 6. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 7. Dikarrek bere ekoizpen planta modernoa inauguratu du Arrasaten, etapa berri bati ekiteko
- 8. MONDRAGONen Komunikazio Foroaren edizio berria egin dute
- 9. Batzar orokorrak gai nagusi, TU Lankide aldizkariaren zenbaki berrian
- 10. MONDRAGON Hospitalityk eta Mondragon Hotelak lankidetza-hitzarmena sinatu dute
Matricik hartzekodunen konkurtsoa eskatu du
![Card image cap](https://www.tulankide.com/eu/matricik-hartzekodunen-konkurtsoa-eskatu-du/@@images/0ebda8e9-49aa-4939-823e-908e957492b5.png)
Matrici kooperatibako Kontseilu Errektoreak erabaki du Bilboko Merkataritzaren 2. Epaitegian hartzekodunen borondatezko konkurtsoa eskatzea, konpainiaren jarraipena babesteko eta lanpostuei eusteko.
Matricik 134 pertsonari ematen die enplegua gaur egun. Izan ere, batzuk (60) MONDRAGONeko beste kooperatiba batzuetan birkokatu dira, eta beste hainbatek erretiro aurreratuak eta eszedentziak hartu dituzte
Hainbat urtez automobilgintzako trokelgintza sektorean izandako egiturazko krisiak eragindako zailtasunen ondoren iritsi da Matrici egoera horretara. Covid-19aren pandemiak larriagotu egin du egoera, eta nabarmen jaitsi da kooperatibaren jarduera –Europako fabrikatzaileek ez dute lau urtean trokelik eskatu–, eta horrek izugarri ahuldu du bere finantza egoera.
Kooperatibak egindako ahalegin handiek, plantillaren eta soldaten murrizketak eta egiturazko kostuen doikuntzak, MONDRAGONeko barne-elkartasuneko mekanismoekin batera, hala nola pertsonak beste kooperatiba batzuetan birkokatzeak eta beste laguntza ekonomiko batzuek ezin izan dituzte trokelgintzaren krisi luze eta sakonak eragindako galerak konpentsatu.
Evergrande, Matriciren egungo zorroko proiektu nagusia, ez ordaintzeak eta Asiako bezeroaren etorkizunari buruzko ziurgabetasunak egoera larriagotu dute. Datozen hilabeteetan, administratzaile judizialaren babesarekin, Matricik bere jarduera garatzen jarraituko du, abian dituen lanak gauzatzen eta bezeroei kalitate maila bereko zerbitzua ematen.
Kooperatibarekin berarekin eta LagunArorekin lankidetzan, beharrezkoak diren elkartasun-mekanismo guztiak jarri dira abian, enpleguan ahalik eta eragin txikiena izateko
Era berean, bezeroen konfiantza eta hornitzaileen eta aliatuen lankidetza bilatzeko eta enpresaren etorkizuneko bideragarritasuna lortzeko akordioetara iristeko konpromisoa hartuko du, ahalik eta enplegu gehien salbatzeko, behin merkatua lehengoratu, eta normaltasuna itzultzen denean.
Enplegua
Matricik 134 pertsonari ematen die enplegua gaur egun. Izan ere, batzuk (60) MONDRAGONeko beste kooperatiba batzuetan birkokatu dira, eta beste hainbatek erretiro aurreratuak eta eszedentziak hartu dituzte. Kooperatibarekin berarekin eta LagunArorekin lankidetzan, beharrezkoak diren elkartasun-mekanismo guztiak jarri dira abian, enpleguan ahalik eta eragin txikiena izateko.