Irakurriena
- 1. MONDRAGONek bere urteroko Kongresua egin du Bilbon
- 2. “Abentura zirraragarria izan da”
- 3. Hirekin industria jasangarriko zentro berritzailea inauguratu du Mondragon Unibertsitateak
- 4. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 5. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 6. “Definitu dugu zer ekarpen egin nahi diogun gizarte honi gure ikasleen bitartez”
- 7. Imanol Oleaga Mendiaratz, Domusa Teknikeko zuzendari nagusi berria
- 8. Orkli Biotz enpresan sartu da % 11,11ko parte-hartzearekin
- 9. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 10. Dikarrek bere ekoizpen planta modernoa inauguratu du Arrasaten, etapa berri bati ekiteko
Domusa Teknikek Jaurlaritzaren Kudeaketa Aurreratuaren “Urrezko A” saria jaso du
Domusa Teknikek Eusko Jaurlaritzaren “Urrezko A” kategoriako Kudeaketa Aurreratuaren saria jaso du, abenduaren 17an Bilboko Euskalduna Jauregian egindako ekitaldian.
Euskalitek (Kudeaketaren Bikaintasunerako Euskal Fundazioak) sustatutako Kudeaketa Aurreratuko Ereduaren arabera, beren kudeaketa garatzen duten euskal enpresei ematen zaie sari hau, kanpo-ebaluazioko talde batek egindako ebaluazioan puntuazio altua lortzen dutenei. Talde hori Euskaliteko Ebaluazio Klubeko kideek osatzen dute.
Euskalitek sustatutako Kudeaketa Aurreratuko Ereduan oinarrituta, beren kudeaketa garatzen duten eta kanpoko ebaluazio-talde batek egindako ebaluazioan puntuazio altua lortzen duten euskal enpresei ematen zaie.
Eredu horrek kudeaketaren funtsezko 5 elementu jasotzen ditu: Estrategia, Bezeroak, Pertsonak, Gizartea eta Berrikuntza. Ebaluazioaren oinarria da erakundeek horietako bakoitzean lortutako garapen-maila eta lortutako emaitzak erabakitzea.
Lau “Urrezko A” sari banatu dira
Aurten 4 erakundek lortu dute bereizketa hori: irakaskuntza arloko bik (Santa Maria Ikastetxea eta Somorrostroko Formazio Zentroa), osasun arloko batek (Osakidetzako Bizkaiko Osasun Mentaleko Sarea), eta Domusa Teknik, industria-arloko saria jaso duen enpresa bakarra.
Ekitaldia Iñigo Urkullu lehendakariak itxi zuen, eta saridunak zoriontzeaz gain, "zorroztasunez, arduraz, konpromisoz eta eredugarritasunez lan egitera animatu zituen, are gehiago ziurgabetasun- eta zailtasun-une hauetan".