Irakurriena
- 1. “Abentura zirraragarria izan da”
- 2. Hirekin industria jasangarriko zentro berritzailea inauguratu du Mondragon Unibertsitateak
- 3. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 4. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 5. “Definitu dugu zer ekarpen egin nahi diogun gizarte honi gure ikasleen bitartez”
- 6. Imanol Oleaga Mendiaratz, Domusa Teknikeko zuzendari nagusi berria
- 7. Orkli Biotz enpresan sartu da % 11,11ko parte-hartzearekin
- 8. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 9. Dikarrek bere ekoizpen planta modernoa inauguratu du Arrasaten, etapa berri bati ekiteko
- 10. MONDRAGONen Komunikazio Foroaren edizio berria egin dute
Pertsonekin konprometitua eta jasangarria den turismoa da gizarte-ekonomiaren apustua
![Card image cap](https://www.tulankide.com/eu/pertsonekin-konprometitua-eta-jasangarria-den-turismoa-da-gizarte-ekonomiaren-apustua/@@images/08a1c24c-b3f1-453e-996b-a9aaca2984a3.jpeg)
Gizarte-ekonomiak turismo jasangarri eta konprometitu baten aldeko apustua egin du. Hala adierazi zuten Donostian elkartutako aditu eta ordezkari instituzionalek. 'Gizarte-ekonomia eta turismoa: jasangarritasunaren aldeko aliantza' izenburupean egin zen jardunaldia, Gizarte-ekonomiaren Europako Hiriburuaren baitan antolatutakoa hain justu ere.
Ekitaldiari hasiera emateko, Eusko Jaurlaritzako Turismo, Komertzio eta Kontsumo sailburu den Javier Hurtado Dominguezek adirazi zuen turismoak ekonomiaren eta enpleguaren aldaketarako palanka izan behar duela, eta gizarte-ekonomiaren balioak gizartearentzat konpromiso-eredu direla. "Irabazien banaketa ekitatiboan oinarrituta, errespetuzko garapena sustatu behar dugu gure barietatea mantenduz".
MONDRAGON eta ILUNION, mahai inguruan
'Pertsonak eta etika' izeneko mahai-inguruan, ILUNIONeko konseilari ordezkariak, Alejandro Oñorok, adierazi zuen, enpresa aktibitateak gizarte eragina izan dezakeela. "ILUNIONen turismo ezberdina sustatzen dugu eta gure 30 hoteletan garantzen dugun kudeaketa ereduarekin beste batzuengan eragin nahi dugu".
MONDRAGON Korporazioko presidente Iñigo Ucinek adierazi zuen, MONDRAGON ez dela kooperatiba arrunta, "kooperatiba elkarte bat gara, barne elkartasun sistemarekin eta mugimendu ekonomiko eta kultura positiboa eragiten duena gizartean". Kalitatezko produktuak eskaini, emaitza onak lortu eta ingurumenarekin errespetuz jokatu; hiru arlo horiek ere azpimarratu zituen Ucinek.
Bi ordezkariak jasangarritasunaren alde agertu ziren gizarte aurreratuagoak, inklusiboagoak eta parekideagoak sustatzeko. Era berean, berrikuntzaren alde agertu ziren, "etorkizuneko helburuak lortzeko estrategia nagusia da berrikuntza", adierazi zuten.
Turismoa, aldaketarako palanka
Bigarren mahai-inguruan, "Turismoa, aldaketarako palanka jasangarria" izenburupean egin zena, Ramon Gomez Ugaldek, MONDRAGON Hospitalityko presidenteak, turismo jasangarriak ekonomia sozialean lekua duela adirazi zuen. Hala, bere esanetan MONDRAGONek eta ILUNIONek sinatutako aliantzak eraldaketa prozesuak abian jarri ditu. Antzeko hitzak izan zituen ILUNIONeko Anal Lopez de San Romanek. "MONDRAGONekin dugun aliantza ez litzateke posible izango biek ala biek ibilbidea eta asmoa partekatuko ez bagenu".