Irakurriena
- 1. “Abentura zirraragarria izan da”
- 2. Hirekin industria jasangarriko zentro berritzailea inauguratu du Mondragon Unibertsitateak
- 3. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 4. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 5. “Definitu dugu zer ekarpen egin nahi diogun gizarte honi gure ikasleen bitartez”
- 6. Imanol Oleaga Mendiaratz, Domusa Teknikeko zuzendari nagusi berria
- 7. Orkli Biotz enpresan sartu da % 11,11ko parte-hartzearekin
- 8. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 9. Dikarrek bere ekoizpen planta modernoa inauguratu du Arrasaten, etapa berri bati ekiteko
- 10. MONDRAGONen Komunikazio Foroaren edizio berria egin dute
Kooperatibismoaren etorkizuneko erronkak aztergai gaur Garaian
Asko izan dira mahai gainean jarri dituzten gaiak eta asko hausnarketarako ildoak. Gaurko kooperatibismoa, XXI.mendeko balio kooperatiboak, lana ulertzeko modu berriak, legatu koopertibista eta gazteria edo eta etorkizuneko negozioak moduko gaiak jorratu dituzte eta ereduaren indarguna, ahulgune, aukera eta mehatxuak ere aztergai izan dira.
Askotariko kooperatibetako ordezkariek esku hartu dute topaketan, horietako asko MONDRAGONekoak, baina baita oso bestelako kooperatibetako ordezkariek ere. Zerbitzuetakoak, nekazaritza arlokoak, komunikazioaren eremukoak, industrialak, hezkuntza kooperatibak, handi, txiki eta ertainak.
Komunikazioaz eta kooperatibek gazteengan interesa pizteko duten beharraz ere aritu dira
Talentoa, guztion ahotan
Komunikazioaz eta kooperatibek gazteengan interesa pizteko duten beharraz ere aritu dira. "Errelato berriak sustatu behar dira, iraunkortasunaren kontakizuna gurea egin behar dugu, desberdinak garelako eta gure enpresek oso bestelako balioak dituztelako" adierazi dute, aho batez, ia parte hartzaile guztiek.
Hain justu ere, etorkizuneko erronka nagusi gisa irudikatu da talentoaren erakarpena. Zer egin? nola egin? zer eskaini? nola piztu interesa? galdera horiei guztiei erantzuna ematen saiatu dira Garaiara bertaratutako lagunek.
Guztira, 60 pertsona batu ditu Euskadiko Kooperatiben Goren Kontseiluak gaurkoan Arrasaten
Etorkizuneko lana ere guztion ahotan izan da, eta eredu kooperatiboaren gobernantza, edo eta balioen transmisioa ere jorratu dute. Goizeko 9:15ean hasi da saioa eta eguerdiko 12ak arte luzatu da, eztabaida-mahaietan banatutako taldeetan burutu delarik.
Guztira, 60 pertsona batu ditu Euskadiko Kooperatiben Goren Kontseiluak gaurkoan Arrasaten, hausnarketa sustatzeko ahalegin berezian eta etorkizuneko erronkak hobeto ulertzeko asmoz. Gero, gaur batutako informazio guztia kooperatibekin partekatuko dutela aurreratu dute Kooperatiben Kontseilutik.