Irakurriena
- 1. LABORAL Kutxak 134 milioi euroko irabaziak lortu ditu 2024ko lehen seihilekoan
- 2. Felix Ormaetxea Uribetxebarria zendu da
- 3. MONDRAGONek inBiot startupean inbertitu du
- 4. MONDRAGONek bere urteroko Kongresua egin du Bilbon
- 5. “Abentura zirraragarria izan da”
- 6. HIREKIN industria jasangarriko zentro berritzailea inauguratu du Mondragon Unibertsitateak
- 7. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 8. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 9. “Definitu dugu zer ekarpen egin nahi diogun gizarte honi gure ikasleen bitartez”
- 10. Imanol Oleaga Mendiaratz, Domusa Teknikeko zuzendari nagusi berria
EROSKIk Leed Gold ziurtagiria lortu du Gasteizen duen denda iraunkorragatik
![Card image cap](https://www.tulankide.com/eu/eroskik-leed-gold-ziurtagiria-lortu-du-gasteizen-duen-denda-iraunkorragatik/@@images/8731801a-1dd8-4b4a-896e-7134d2b47d17.jpeg)
LEED ziurtagiria arau eta betekizun multzo bat da, eta horiek betez ulertzen da ziurtatutako eraikinak jasangarriak direla eta ekoeraginkortasun-estandarren arabera eraikita daudela. Ziurtagiri honek, besteak beste, honako irizpide hauek ebaluatzen ditu: eraikuntzako material eta baliabideen iraunkortasuna, uraren eta energiaren erabileraren eraginkortasuna edo barne-ingurunearen kalitatea.
Energia-eredu berria
"Errekonozimendu hori aurrerapausoa da ingurumen-jasangarritasunaren eredu berri baterako bidean, eta mugarri garrantzitsua da karbono-neutraltasuna lortu arte jarraitzen ari garen ibilbide-orrian. Gure helburua da eredu ekoefiziente hau egingo ditugun irekiera berrietara zabaltzea, establezimendu bakoitzaren baldintza fisikoek ahalbidetzen duten neurrian ", adierazi du Alejandro Martínez Berriochoa Osasun eta Iraunkortasuneko zuzendariak.
Lakua-Arriaga supermerkatuaren eraikuntza 2021ean diseinatu eta eraiki zen, LEED Gold ziurtagirietan ezarritako parametro zorrotzen arabera. Era berean, proiektu honek dakarren berrikuntza nagusietako bat energia-eraginkortasunari buruzkoa da, eta hozgarri naturalak erabiltzea erabaki da.
Gainera, hotz-altzariek I+Gko azken aurrerapenak jasotzen dituzte; horrela, energia-ahalegina murrizten da eta dendetako erosotasun-sentsazioa hobetzen da. LED argiztapen-sistema adimenduna eta autoerregulatua da, ingurumen-aztarna murrizteko aurrerapen garrantzitsua.
Lakua-Arriaga supermerkatuaren berrikuntza nabarmenetako bat energia-kontsumoko sistemen kudeaketa domotikoa da. Zentroak eguneko 24 orduetan, urteko 365 egunetan, hotza kontrolatzeko eta monitorizatzeko zerbitzua du.
Datuetan
Lakua-Arriaga supermerkatuak % 50 murriztu du energia-kontsumoa denda estandar batekin alderatuta, erabiltzen duen energiaren % 100 berriztagarria baita. Gainera, instalazio berrietan sortutako hondakinen % 80 baino gehiago balorizatuko dira. Era berean, hondakinen kudeaketa zirkularra sustatzen eta errazten du bere ingurunean; horretarako, edukiontzi espezifikoak ditu tresna elektroniko txikientzat, bonbillentzat, pilentzat eta kafe-kapsulentzat.
Dendak 2020an inauguratutako Zizurko establezimendu energetikoki jasangarriaren lekukoa hartuko du, EROSKIk 2012an Oñatiko Cero Emisiones de CO2 denda irekitzearekin hasi zuen bideari amaiera emateko.
Lakua-Arriagako establezimendu jasangarri horri 2022ko Euskadi Merkataritza saria eman zioten, ingurunearen dinamizazio komertzialean eta enpresen modernizazioan eta berrikuntzan eragin positiboa izan zuelako, eta akzesit bat ere lortu zuen Vitoria-Gasteizko Udalaren 2022ko Itun Berdea Sarietan.
Eroskiren konpromisoak
Eroskiren konpromiso hori bat dator Eroskiren jasangarritasunari buruzko ibilbide-orriarekin; hain zuzen ere, Osasun eta Jasangarritasunari buruzko 10 konpromisoek eta 2050ean berotegi-efektuko gasen zero isuri garbi lortzeko konpromisoak markatzen dute ibilbide-orri hori. Eroskik aurrera egiten jarraitzen du klima-aldaketaren aurkako borrokan.
Supermerkatu horrek indartu egiten du Eroski taldeak ingurumenarekiko eta gizarte-ongizatearekiko duen konpromisoa. Ingurumen-ziurtagiri hori dute, halaber, CAPRABOk El Prat de Llobregateko ZAL Porten dituen zentro logistikoak (2020an inauguratu zen) eta Jundiz Berria plataformak (2021ean inauguratu zen, Gasteizen).