Irakurriena
- 1. MONDRAGONek bere urteroko Kongresua egin du Bilbon
- 2. “Abentura zirraragarria izan da”
- 3. Hirekin industria jasangarriko zentro berritzailea inauguratu du Mondragon Unibertsitateak
- 4. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 5. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 6. “Definitu dugu zer ekarpen egin nahi diogun gizarte honi gure ikasleen bitartez”
- 7. Imanol Oleaga Mendiaratz, Domusa Teknikeko zuzendari nagusi berria
- 8. Orkli Biotz enpresan sartu da % 11,11ko parte-hartzearekin
- 9. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 10. Dikarrek bere ekoizpen planta modernoa inauguratu du Arrasaten, etapa berri bati ekiteko
Basque Culinary Centerrek hiru eguneko programa bat jarri du abian 12 eta 17 urte arteko gazteentzat
![Card image cap](https://www.tulankide.com/eu/basque-culinary-centerrek-hiru-eguneko-programa-bat-jarri-du-abian-12-eta-17-urte-arteko-gazteentzat/@@images/f79062b1-e79d-40af-b202-f0e4e6976f79.jpeg)
Basque Culinary Centerrek hiru eguneko programa bat jarriko du abian 12 eta 17 urte arteko gazteentzat. Ekimen horretan guztira 14 nerabek parte hartu ahal izango dute. Jarduerak goizez egingo dira –9:30etik 13:00era–, abenduaren 2an, 3an eta 4an, BCulinary Neguan izenburupean. Udako gastronomia-kanpamenduak izandako arrakastaren ondoren –sukaldaritza gogoko duten nerabeei zuzendua–, lantegi trinko horrekin, BCulinary Neguan ekimenak gastronomia gazteengana gerturatu nahi du.
Intentsitate handiko hiru egun
Hiru egunez, parte-hartzaileak gastronomiaren munduan murgilduko dira hainbat jardueren bitartez. Hona hemen horietako batzuk: hornidura-azoketako sasoiko barazki-postuetara joatea, maisu gozogileen eskutik turroia egiten ikastea eta, batez ere, kuzinatzea.
Lehen egunean, urtarrilaren 2an, asteazkenean, ikasleak Basque Culinary Centerretik Ordiziako azokara joango dira, Ordiziako Martinez jatetxeko Xabier Martinezek lagunduta, eta ostean, herri bertan, D’elikatuz interpretazio zentroa bisitatuko dute. Elikadurari eta gastronomiari buruzko zentroa da, eta gustua eta osasuna sustatzeko gune bat sortzea du helburu.
Urtarrilaren 3an, ostegunean, gazteek menu bat prestatuko dute: alkatxofak urdaiazpikoarekin eta arrautza-lorearekin, bakailaoa pil-pilean eta gaztaina-bavaroisa mugurdi-coulisarekin. Egun berean, gurasoek zentroa bisitatzeko eta gazteek prestaturiko platerak dastatzeko aukera izango dute.
Tailerra 4an, ostiralean, amaituko da, eta honako menu hau prestatuko dute: txangurroa donostiar erara, ahate-paparra pisto espeziatuarekin eta Jijona turroiaren izozkia.