Irakurriena
- 1. “Abentura zirraragarria izan da”
- 2. Hirekin industria jasangarriko zentro berritzailea inauguratu du Mondragon Unibertsitateak
- 3. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 4. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 5. “Definitu dugu zer ekarpen egin nahi diogun gizarte honi gure ikasleen bitartez”
- 6. Imanol Oleaga Mendiaratz, Domusa Teknikeko zuzendari nagusi berria
- 7. Orkli Biotz enpresan sartu da % 11,11ko parte-hartzearekin
- 8. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 9. Dikarrek bere ekoizpen planta modernoa inauguratu du Arrasaten, etapa berri bati ekiteko
- 10. MONDRAGONen Komunikazio Foroaren edizio berria egin dute
Mundukidek 3.585 € bildu ditu Idai zikloiak kaltetutako pertsonei laguntzeko
![Card image cap](https://www.tulankide.com/eu/mundukidek-3-585-20ac-bildu-ditu-idai-zikloiak-kaltetutako-pertsonei-laguntzeko/@@images/26045a60-e2fe-4836-9207-02527bc3ed16.jpeg)
Debagoiendarren elkartasunari esker, Mundukidek 3.585 € bildu ditu Mozambiken Idai zikloiak kaltetutako pertsonei laguntzeko.
Zenbateko hori GURUTZE GORRIA erakundearen bidez bideratu da, izan ere, Gurutze Gorria beste erakunde batzuekin batera ari da lanean, laguntza humanitarioaren arloan, katastrofeak jotako gunean. Espainiar GKEak inpaktuaren eragina txikitzeko lanean dihardu; horretarako, 7.500 pertsonarentzako ostatu kitak banatzen ditu eta, era berean, Ur eta Saneamendu Larrialdiei Erantzuteko Unitatea hedatzen du, zeinak 5 ur araztegi eta egunean 225.000 litroko ur hornikuntza egiteko behar den ekipamendua duen, 3 hilabetean egunero 15.000 pertsona urez hornituz, osasun zentroak barne.
Ruti andreak (albistearen argazkian ageri den emakumea) 62 urte dauzka, eta dena galdu zuen zikloiaren eta ondorengo uholdeen ondorioz. “Haizeak eta urak txikitu egin zuten nire etxea. Ingurua urak hartu zuen erabat. Egurrez eta altzairuzko xaflez egindako etxea nuen, baina orain kanpadenda batean bizi behar dut. Oso pozik nago Gurutze Gorriaren laguntzarekin. Dena galdu nuen, sukaldeko tresna guztiak barne. Orain oinarrizko gauza berriak dauzkat, eta nire bizitza berreraikitzen has naiteke. Nire auzokidea laguntzera etorriko zait ostatu kitarekin”.
20 urte Mozambike iparraldeko nekazarien bide-lagun
Montepuez probintziako nekazari taldea, Mundukideko irakaslearekin.
Beñat Arzadunek (Mozambiken bizi den Mundukideko kooperantea) esan digunez…
“Hondamendi humanitarioaz gain, Idai eta Kenneth zikloiek nabarmen kaltetu dituzte, Mozambike erdialdean eta goialdean, laboreak eta oinarrizko elikagaien uztak; horien artean: artoa, kakahuetea... Gainera, 2018-2019ko nekazaritza kanpaina ez da bereziki ona izaten ari zikloiek jo ez dituzten eremuetan; hori dela eta, agintariek hil gutxi barru elikagaien falta larria izango dela iragarri dute. Egoera honen aurrean, distrituko nekazaritza zerbitzuekin gaude harremanetan, datozen hiletan oinarrizko elikagaien produkzioa handitu eta bizkortzeko ekintza posibleak aztertzeko, prestaketa lanak egiten eta aurreikusten den elikagai falta txikitzen saiatzeko.”
Mundukide programa martxan den herrietan zikloiek zuzeneko eraginik izan ez badute ere, oso kilometro gutxira begien bistan daude oraindik lehenik Idaik eta ondoren Kennethek eragindako kalteak eta utzitako arrastoak.