Irakurriena
- 1. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 2. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 3. “Definitu dugu zer ekarpen egin nahi diogun gizarte honi gure ikasleen bitartez”
- 4. Imanol Oleaga Mendiaratz, Domusa Teknikeko zuzendari nagusi berria
- 5. Orkli Biotz enpresan sartu da % 11,11ko parte-hartzearekin
- 6. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 7. Dikarrek bere ekoizpen planta modernoa inauguratu du Arrasaten, etapa berri bati ekiteko
- 8. MONDRAGONen Komunikazio Foroaren edizio berria egin dute
- 9. Batzar orokorrak gai nagusi, TU Lankide aldizkariaren zenbaki berrian
- 10. MONDRAGON Hospitalityk eta Mondragon Hotelak lankidetza-hitzarmena sinatu dute
Munduko rankingean buru izaten jarraitzen du MONDRAGONek
2023ko World Cooperative Monitor sailkapeneko "kooperatiba industrialen" arloko lehen postuan dago. Txostenak munduko 300 kooperatiba eta mutua handienen sailkapena jasotzen du.
Nazioarteko Kooperatiba Aliantzak (ACI) eta Kooperatiba eta Gizarte Enpresei buruzko Europako Ikerketa Institutuak (Euricse) Munduko Kooperatiba Monitorearen (WCM, ingelesezko sigletan) 2023. edizioa argitaratu berri dute. Txostenak munduko 300 kooperatiba eta mutua handienen sailkapena jasotzen du, eta MONDRAGON Korporazioa "munduko industria-kooperatiba handiena" dela adierazi du, bai kooperatiba guztiak batuta duen negozio-bolumenagatik, bai per capita barne-produktu gordinaren gaineko fakturazio-ratioagatik.
Edizio honetako informazioa 2021eko datuekin egin da. Datuok bildu dira, batez ere, urteko txostenetatik eta iraunkortasun-txostenetatik; ekonomiari buruzko datu-baseetatik; eta elkarte nazionalek, ikerketa-institutuek eta beste erakunde batzuek bildutakoetatik.
Mundu maila ranking orokorrari dagokionez, finantza-sektoreko bi talde frantziarrek betetzen dituzte podiumeko lehen 3 postuak: Groupe Crédit Agricole, lehenengo, eta Groupe BPCE, hirugarren; eta Rewe alemaniarra, txikizkako merkataritzaren sektorekoa, bigarren. Sailkapen orokor horretan – Top 300 –, kategoria guztiak barne hartzen dituena, MONDRAGON 45. postuan dago.
Dokumentua ikusi nahi baduzu, esteka honen bidez egin dezakezu: https://monitor.coop/sites/default/files/2024-01/wcm_2023_2.pdf
Dokumentua ikusi nahi baduzu, esteka honen bidez egin dezakezu: https://monitor.coop/sites/default/files/2024-01/wcm_2023_2.pdf