Prentsa eta estanpazio sistemen diseinu eta ekoizpena, laminatzea, prozesatzea, metalen mozketa eta txapazko piezen soluzioak.
Irakurriena
- 1. “Abentura zirraragarria izan da”
- 2. Hirekin industria jasangarriko zentro berritzailea inauguratu du Mondragon Unibertsitateak
- 3. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 4. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 5. “Definitu dugu zer ekarpen egin nahi diogun gizarte honi gure ikasleen bitartez”
- 6. Imanol Oleaga Mendiaratz, Domusa Teknikeko zuzendari nagusi berria
- 7. Orkli Biotz enpresan sartu da % 11,11ko parte-hartzearekin
- 8. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 9. Dikarrek bere ekoizpen planta modernoa inauguratu du Arrasaten, etapa berri bati ekiteko
- 10. MONDRAGONen Komunikazio Foroaren edizio berria egin dute
Fagor Arrasatek produkzio planta inauguratu du Alemanian
![Card image cap](https://www.tulankide.com/eu/fagor-arrasatek-produkzio-planta-inauguratu-du-alemanian/@@images/b398578c-5651-4eb4-857a-3a17d7c03169.jpeg)
Inaugurazio ekitaldia aprobetxatu zen Arrasateko kooperatibaren 60. urteurrena ospatzeko ere. Hilpolstein hirian kokatzen den plantak arreta komertzial hurbilagoa eskaintzen die Alemaniako bezeroei eta baita bere eragin gunean kokatzen diren beste bezero batzuei ere.
Jose Maria Balzategi, Fagor Arrasateko zuzendari orokorrak, publikoaren zorion-agurra jaso zuen unea.
Kontuan izan behar da, Fagor Arrasate Deutschland GmbH planta honen irekierak mugarri garrantzitsua suposatzen duela kooperatibarekin.
Inaugurazio ekitaldian, Eusko Jaurlaritzako ordezkariak ere izan ziren: Arantxa Tapia, Ekonomiaren Garapena eta Azpiegituretako sailburua; Alex Arriola, SPRI Taldeko zuzendaria; eta Javier Zarraonandia, Industria sailburuordea. Ekitaldian, Jose Maria Balzategi, Fagor Arrasateko zuzendari orokorrak hitza hartu zuen eta azaldu zuen "gure Alemaniako bezeroen beharretara egokituko gara, erronka berriei erantzun profesional eta azkarra eskaintzeko". Zentzu berean agertu zen Klaus Meier, Fagor Arrasate Deutschland GmbH-eko zuzendaria ere.
Fagor Arrasate Deutschland GmbH
Eraikinak 500 m2 ditu eta bertan kokatzen dira bulegoak eta montaia planta. Nabarian geratu da Fagor Arrasatek epe luzera adostu zuen estrategia, izan ere bertako bezeroei zerbitzu pertsonalizatua bezain zuzena eskainiko die planta honen bitartez: Consorcio VW, Daimler, Liebherr, Bosch, Voest Alpine edota ArcelorMittal.
Fagor Arrasate mundu mailako liderra da deformazioko makina erremintan: estanpazio lineak, ebakitze lineak eta bobinen prozesuak eta sistema bereziak ... Sei planta ditu eta presentzia nabarmena 70 herrialdeetako merkatuetan. Fagor Arrasate, merkatu globalari egokituta dagoen enpresa bat da, eta partner egokia, erosketen irizpideak mundu mailan aplikatzen dituzten bezeroendako