Irakurriena
- 1. “Abentura zirraragarria izan da”
- 2. Hirekin industria jasangarriko zentro berritzailea inauguratu du Mondragon Unibertsitateak
- 3. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 4. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 5. “Definitu dugu zer ekarpen egin nahi diogun gizarte honi gure ikasleen bitartez”
- 6. Imanol Oleaga Mendiaratz, Domusa Teknikeko zuzendari nagusi berria
- 7. Orkli Biotz enpresan sartu da % 11,11ko parte-hartzearekin
- 8. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 9. Dikarrek bere ekoizpen planta modernoa inauguratu du Arrasaten, etapa berri bati ekiteko
- 10. MONDRAGONen Komunikazio Foroaren edizio berria egin dute
EROSKIk 687,7 tona elikagai eman du 2014an, "Ez algerrik galdu" programaren bitartez, Euskal Autonomia Erkidegoan
EROSKIk 687,7 tona elikagai inguru eman ditu 2014an, 'Ez alferrik galdu' programaren bitartez, Euskal Autonomia Erkidegoko kolektiborik behartsuenen artean banatzeko. Programa horrek bermatzen du EROSKIren dendetan botatzeko diren elikagai guztiak onak daudela eta dendatik hurbileneko gizarte erakundeei ematen zaiela
"Elkartasuna gure kooperatibaren ezaugarria da; horregatik gaude kezkatuta elikagaiak alferrik galtzearekin. 2013ko abenduan, EROSKIn aurrendariak izan ginen Espainiako banatzaileen sektorean, janaririk ez baitzen alferrik galdu gure supermerkatu eta hipermerkatu sare guztian; geroztik, konpromiso horri eusten diogu", esan du Alejandro Martinez Berriochoak, EROSKIren Gizarte Erantzukizuneko zuzendariak.
Ekimen horretarako, EROSKI elkarlanean ari da Euskal Autonomia Erkidegoan horretaz arduratzen diren hemezortzi gizarte erakunderekin, eta protokolo bat landu du emandako elikagaien segurtasuna bermatzeko. Elikagai freskoekin, esaterako, zenbait neurri hartzen ditu hotz-katea ez dadin eten ezta hartzailearen esku geratzen direnean ere; izan ere, horrek bermatu behar du baldintzak zorrotz zaindu direla bai garraioan eta bai beren biltegietan.
EROSKIk baldintzarik onenetan dauden produktuak soilik eskaintzen dizkie bezeroei. Elikagai freskoren batek freskotasuna zertxobait galdu badu edo ontziren bat ez badago behar bezala (kolpetxo bat duelako, adibidez, edo bilgarria apurtu zaiolako), kendu egiten ditu saltokietatik, eta programa honetan parte hartzen duten erakundeei ematen dizkie. EROSKIk emandako elikagai guztiak beti daude iraungitze edo kontsumitze dataren barnean, eta kontsumitzeko egoera ezin hobean.
"EROSKIn kontsumitzaileei eskatzen diegu erantzukizunez joka dezaten, haiek ere etxean kontsumi daitekeen elikagairik gal ez dezaten. Helburu honen bitartez, 2014an kontzientziatze kanpaina bat landu genuen, "Janaria ez da bota behar, probetxua atera behar zaio!" leloarekin. Horretaz gainera, gure Elikadura Eskolaren webgunean, badira zenbait aholku eta errezeta lan horretan lagundu dezaketenak", esan du Martinez Berriochoak.
Hemezortzi urte elikagaiak emateko konpromiso sendoarekin
Hemezortzi urte dira EROSKI elikagaiak erantzukizunez kudeatzeko politika hasi zuela gizarte erakunde hauen lankidetzarekin: Elikagaien Bankuen Espainiako Federazioa (FESBAL), Caritas, Remar eta Reto. Horretaz gainera, kooperatiba aurrendaria izan da freskoak maiztasunez emateko orduan.
2014an, Urrezko Galburua eman zioten EROSKIri, FESBALek elikagai soberakinak banatzen nabarmentzen diren erakundeei ematen dien saririk onena.