Irakurriena
- 1. “Abentura zirraragarria izan da”
- 2. Hirekin industria jasangarriko zentro berritzailea inauguratu du Mondragon Unibertsitateak
- 3. Iñigo Laskurain Pagaegi, MONDRAGONeko lehendakariorde eta Automozio Dibisioko zuzendari orokor berria
- 4. Vicente Atxa, MONDRAGONeko lehendakariorde eta Ezagutza Dibisioko zuzendari orokor berria
- 5. “Definitu dugu zer ekarpen egin nahi diogun gizarte honi gure ikasleen bitartez”
- 6. Imanol Oleaga Mendiaratz, Domusa Teknikeko zuzendari nagusi berria
- 7. Orkli Biotz enpresan sartu da % 11,11ko parte-hartzearekin
- 8. Danobatgroup-ek 337 milioi euroko fakturazio historikoa izan du, %90 nazioarteko merkatuetan
- 9. Dikarrek bere ekoizpen planta modernoa inauguratu du Arrasaten, etapa berri bati ekiteko
- 10. MONDRAGONen Komunikazio Foroaren edizio berria egin dute
Lanbiderekin batera hiru ikastaro eskainiko ditu Eskola Politeknikoak
![Card image cap](https://www.tulankide.com/eu/lanbiderekin-batera-hiru-ikastaro-eskainiko-ditu-eskola-politeknikoak/@@images/d97b57cb-a0ba-4382-95fa-712ce7fa86db.jpeg)
Mondragon Goi Eskola Politeknikoak beste hiru ikastaro eskainiko ditu langabeentzat, Lanbiderekin elkarlanean. Lehenengoak Fabrikazio mekanikoko produktuen diseinua izango du ardatz; bigarrenak, Txirbil-harroketaren bidezko mekanizazioa, eta hirugarrenak, azkenik, Mekanizazio, konformazio eta muntaia mekanikoko produkzioa. Lehen bi ikastaroak irailaren 18an hasiko dira, eta hirugarrena, urriaren hasieran. Sei hilabete iraungo dute. Ikastaroak Arrasateko campusean bertan emango dira, aurrez aurre. Lehen biak astelehenetik ostiralera emango dira, 13:30etik 18:30era, eta hirugarrena, berriz, 08:00etatik 14:00etara. Denek izango dute enpresan praktikak egiteko modulu bat.
Ikastaroak Arrasateko campusean bertan emango dira, aurrez aurre
Ikastaroak Lanbiden edo beste edozein autonomia-erkidegotako enplegu-zerbitzu publikoan izena emanda dauden langabeei daude zuzenduta, baina plaza guztien % 30 jardunean diren pertsonek har dezakete. Fabrikazio mekanikoko produktuen diseinua ikastaroan parte hartzen duten langabeek hau ikasiko dute, besteak beste: produktuak diseinatzen, prototipoak egiten, kalitate-kontrola egiten, automatizazioa, komunikazio-sistemak eta dokumentazio teknikoa. Txirbil-harroketaren bidezko mekanizazioa ikastaroan, berriz, gai hauek landuko dira, besteak beste: makinak, ekipoak eta erremintak prestatzea, mekanizazio-programak egitea, fabrikazio-prozesu osagarriak, produktua egiaztatzea eta arriskuen prebentzioa. Azkenik, Mekanizazio, konformazio eta muntaia mekanikoko produkzioa ikastaroan, gai hauek eta beste batzuk jorratuko dituzte: fabrikazio mekanikoko sistema automatikoak, prozesuen gainbegiraketa eta kontrola, konformazio- eta muntaketa-prozesuak, eta zenbakizko kontrola.
Ikastaroaren helburuak
Langabeen enplegagarritasuna hobetzea da ikastaroen helburu nagusia, laneratzeko aukera izan dezaten. Jardunean dauden langileek, berriz, ezagutza profesionala aberasteko aukera izango dute, beste lanpostu batzuk eskuratu ahal izateko. Interesatuta daudenek Idurre Retolazaren bidez eman dezakete izena, iretolaza@mondragon.edu helbide elektronikoan edo 664265068 telefono-zenbakian.